شرائط الكاسيت القديمه التاريخ وذكريات لايمكن الواحد ينساها والوكمن والكاست وتسجيل الاغانى على الشرائط القديمه والشرائط اللى كنا بنجمعها فى الكرتونه القديمه بتاعت الشرايط.طيب عاوزين تحويل شريط الكاسيت الى ملف mp3.
طيب فى شرايط عليها حاجات مش موجوده دى الوقت زى مثلا المصاحف المجودة للشيوخ النوادر واللى كانت بتتسجل فى السهرات والمياتم وعلشان كدا انا هعمل الشرح دا علشان اللى عنده شريط كاسيت وعاوز يحوله الى ملف صوتى على الكمبيوتر يتابعنا …
الادوات المطلوبه :
1- كابل aux عادى اتنين طرف او زى ما يكون خرج الصوت عندك ف الكاسيت لانه ساعات تلاقى الكاسيت مخرج كابلين فبتشترى كابل صوت 2*1 .
2- كاسيت يكون فى مخرج لسماعه ويكون شغال شرايط كويس لان الصوت اللى هيطلعه هو اللى هيتسجل.
3 – الشريط اللى عاوز تنزله على الكمبيوتر ويكون شريط شغال وصوته كويس .
4- برنامج تسجيل صوتى وهنا هناخد audacity .
الطريقة المستخدمة :
1- التوصيل :
هنوصل كاب ال aux فى الكاسيت ونوصله فى فاتحه ال line in فى الكمبيوتر من الخلف فاتحه الصوت اللى لونها ازرق .زى الصور:
ولو بتستخدم اللابتوب وصلها فى فتحه الميك .
2- التسجيل ودى عن طريق البرنامج اللى شرح تنزيله وتصطيبه من هنا .
خطوات التسجيل :
1- هنحط الشريط ف الكاسيت .
2- هنشغل البرنامج وطبعا مواصلين الكاسيت بالكابل .
1- هنفتح البرنامج زى الصورة :
2- هنختار من القايمه line in فى حالة التوصيل فى ال line in وهنختار mic فى حالة التوصيل بالمايك .
3- هنضغط تسجيل ونشغل الكاسيت ونسيب لحد ما يخلص ونضغط stop .
بعد ما تضغط stop هتعمل save للملف فى المكان اللى تختاره ومبروك عليك الشريط كامل عندك على الكمبيوتر .
الصوت حلو ولا وحش:
دا هيعتمد على حاجتين عندك الكاسيت انه يكون بيطلع الصوت حلو والشريط نضيف ولا لا .
ودى هتعرفها لو شغلت الشريط على الكاسيت وسمعت صوته لو حلو هيتسجل حلو لو وحش هيتسجل زى ماهو .
هل فى طريقة اسجل شريطين مره واحده؟:
اه فى طريقه ودى هتستخدم فيها اتنين كاسيت بنفس الطريق واحد هتوصله فى الline in والتانى هتوصله فى الmic .
ياريت الشرح يكون فادتك وقرت توصل لمعلومه مكنتش عندك……تابعنا تعرف اكتر .