تركيب شاحن السخان بديل الحجارة

0 141

احصل على تحديثات في الوقت الفعلي مباشرة على جهازك ، اشترك الآن.

شاحن السخان الغاز واللى بيتركب مكان البطاريات او الحجارة ودا طبعا لان الحجارة اما مضروبه مبتقعدش او ضعيف وبتخلص على طول .
تنبيه : الشرح اللى هيتم دا كل واحد على مسئوليته فى التنفيذ ورجاء اتباع الاحتياطيات اللازمة قبل التنفيذ.

شويه حقائق قبل البدأ :

1- حجارة السخان افضل من الشاحن لان السخان مصمم للعمل بالحجارة وليست الشاحن وعليك اختيار بطاريات قويه ومناسبه للسخان الخاص بيك .

2- الارقام المكتوبه على معظم الادبتورات (الشواحن) الصينيه والمصدرة لمصر غير دقيقه ويرجوا اختبار الشاحن بجهاز القياس.

يلا نبدأ :

 

احتياطيات الامان :

1- الرجاء عدم التعامل مع ادوات غير ملم بطريقة استخدامها .

2- التعامل مع الكاويه بحرص حتى لا تتعرض للحروق لاقدر الله .

3- رجاء عدم ملامسة اسلاك الشاحن بعضها بعض اثناء اختبار الاطراف.

4- الرجاء تركيب اسلاك شاحن السخان وهو منزوع من الكهرباء .

6-الرجاء مراجعه بيانات السخان الخاص بك جيدا لتختار شاحن مناسب.

الادوات المستخدمة :

 

1- شاحن السخان  (ادابتور) 3 فولت – من 1- 2 امبير  والبيانات دى هتلاقيها مدونه على جسم الادبتور نفسه .
(يختلف المواصفات لكل سخان رجاء راجع ورقه بيانات السخان).

2- عدد 2 بطاريه فارغه .

3- كاويه لحام + قصدير.

4-شريط لحام .

4- افوميتر لمعرفة قضبية الشاحن ولو مكتوب عليه مش لازم.

الخطوات :

1- نقوم بتجهيز شاحن السخان بقص السوكت الامامى للشاحن .

2- توصيل الشاحن بالكهرباء مع ابعاد الاطراف وضبط الافوميتر على وضع الجهد المستمر ووضع اطراف الافوميتر على اطراف الشاحن .

3- حاله القراءة +3 يبقى كدا الطرف الاحمر هو الموجب.

4-كدا حددنا الاطراف .

5- نجهز الحجارة هنحط قصدير على طرف الموجب لحجر واحد ونركب فيه السلك الموجب باستخدام الكاويه .

6 – هنركب الطرف السالب على الحجر الاخر.

7- هنقوم بعزل الاطرف الغير موصوله بالحجرين بالشريط اللاصق حتى لا يمر التيار داخل الحجارة .

8- هنقوم بالتجربه ووضع البطاريات بوضعها الصحيح فى السخان واخراج السلك من جانب البطاريات.

9- نقوم بتوصيل شاحن السخان فى الكهرباء .

10- نفتح المياه الساخنه ونجرب استخدام  شاحن السخان.

مبروك عليك كدا خلصنا وهننسي البطاريات مدى الحياه بس لازم تعرف شويه ملاحظات :
1- الشاحن لازم يكون كويس وبيخرج 3 فولت فعلا ومش اقل من 1 امبير .
2- متركبش شاحن اكبر او اقل بكتير حتى لا يتم حرق دائرة الاشعال للسخان.

لو زهقت من القرايه وحابب تشوف عملى الفيديو اهوه بس ياريت تدعمنا فى القناه :

شاهد ايضا :

تحويل الشاشة العادية الى شاشة سمارت

 

 

 

80%
Awesome
  • Design

احصل على تحديثات في الوقت الفعلي مباشرة على جهازك ، اشترك الآن.

تعليقات
Loading...