نسخ الافلام والفرق فى الجودة

180

احصل على تحديثات في الوقت الفعلي مباشرة على جهازك ، اشترك الآن.

بوست عن تعريفات وانوع نسخ الافلام  و انا هرتبهم من الأقل الى الأفضل (من حيث الصوت / الصورة)من حيث المصدر

نسخة Cam اوHDCam:

دي اقل نسخة واقل جودة موجودة فى نسخ الافلام … دي نسخة مسروقة عن طريق تصوير الفيلم بكاميرا مخفية داخل السينما… غالبا اللقطات مش جيدة (مش واخدة حيز الشاشة كلها) والاضاءة ضعيفة ده غير ان الصوت بيبقى مشوش او فيه اصوات جمهور.

نسخة TeleSync او اختصاراً HDTS:

دي برده عبارة عن نسخة مصورة بكاميرا من داخل السينما لكن الصوت تسم تسجيله بوضع ميكرفون بجانب مصدر الصوت لتقليل الضوضاء وتقوية الصوت.. كمان الصورة بيتعمل قص للاجزاء الس خارج الشاشة، وبعض المجموعات بتحاول تعدل في كل جزء من الفيديو لزيادة وضوح الصورة وتقليل التشويش blur

 

 نسخة Telecine او TC اختصاراً … ممكن يضاف اليها HDTC:

المفروض ان النسخة دي بيتم تصويرها ايضاً بكاميرا.. لكن هنا الكاميرا بتصور من بروجكتور خاص وبالتالي الصورة بتبقى انقى من TeleSync وكذلك الصوت
في الغالب اصدارات TeleSync يتم اطلاق اسمها او عنونتها خطأ على اساس انها Telecine

 

 نسخة Pay-Per-View Rip او  :PPVrip

دي نسخة شبيهة بال Telecine… لكن هنا الفيلم بيجي على اسطوانة بس بيتم تسجيل الفيديو من بروجكتور … الصورة هنا نفس جودة Telecine

نسخة DvD Screener او :DvDScr

دي نسخة موجهة للنقاد.. بتظهر اثناء موسم الجوائز (شهري يناير وفبراير من كل عام) النسخة دي عبارة عن نسخة شبيهة بنسخة DvD الموجهة للجمهور ولكن عليها علامة مائية وبتبقى فقط لمشاهدة الافلام الي نازلة مهرجانات زي الاوسكار و جولدن جلوب… الصورة قريبة جداً منDvD

 

نسخة DvD-R5 او :DvD-R9

 

دي نسخة DvD ايضاً موجهة للنقاد او مراجعين الأفلام خاصة خارج امريكا – بيبقى عليها علامة مائية خاص بشركة الانتاج وبيبقى فيها لقطات غير ممنتجة… النسخ دي غير موجودة حالياً

نسخة DvDRip :

دي نسخة DvD موجهة للجمهور بدون اي علامات مائية … النسخة النهائية من الفيلم… حالياً مفيش افلام كتيرة بتنزل DvD بعد رواج تقنية Bluray
زمان كانت مشهورة وكان مشهور كذا شخص او مجموعة Scene Release Groups زي aXXo – FxG – FXM – DiAMOND – Noir وغيرهم كتير

نسخة Kor. Sub Hard Coded او HC. HDRip او KORSUB. HDRip :

دي نسخة موجهة لمواقع Streaming او مشاهدة الافلام عبر الدفع عبر الانترنت ولكن في كوريا الجنوبية … لعدم وجود عرض للسينما الامريكية هناك
النسخة دي بنفس الجودة الي تحت ولكن الترجمة الكورية مدمجة على الشاشة مع الفيلم

 

نسخة Web-DL او WebRip او HDRip:

دي نسخة موجهة لمواقع المشاهدة عبر الانترنت Streaming (حاجة كدة زي Netflix و شاهد.نت)
هنا بقا كلمة Web-DL معناه انه تم استخدام برنامج تحميل عادي لتحميل الفيلم من موقع المشاهدة (يعني الفيلم وصلك 100% زي ما وصل للمستخدم الي شاهد الفيلم)
كلمة WebRip او HDRip معناه انه تم اعادة تكويد/ تحويل الفيلم لتقليل الحجم
او ان الموقع لايدعم التحميل منه فتم استخدام برنامج التقاط شاشة Screen Recorder لتسجيل الفيلم من شاشة الموقع
ولكن في الحقيقة الكلمتين بيتم صياغتهم كبدائل او

نسخة Bluray او BDRip او BRrip:

دي اعلى جودة موجودة حالياًفى نسخ الافلام وهي النسخة المسروقة من اقراص Bluray
دي بتيجي بنسختين نسخة 720p ونسخة 1080p
وممكن تيجي بنسخ اقل زي 480p او SD (اي حاجة طول الفيديو اقل من 360p)
عندك مجموعات كتير بتعمل نسخ Bluray
فيه مجموعات اصلية … هي نفسها بتاخد من القرص الاصلي زي (EVO – GECKOS – SPARKS – FGT – AMIABLE) وغيرهم كتير بس دول النسخة 720p بيبقى حجمها بين 3.2 و 4.5 جيجا
فيه جروبات بتعيد تكويد النسخ دي وتصغير حجمها الى ميجابايت زي (YTS – MkvCage – iExTV – RARBG)

نسخة Bluray Full او Full BD (AVC.DTS) :

دي نسخة فيلم متاخدة كوبي (نسخ) من قرص Bluray بتبقى 1080p غالباً وحجمها بين 23 و 48 جيجابايت (حجم قرص Bluray) من غير اعادة تكويد
دي اعلى جودة ممكن الحصول عليها في اي فيلم  وطبعاً اعلى حجم (اشهر جروب لها هو FGT و iFT).

 

الملخص

ترتيب نسخ الافلام من الاسوء الى الاحسن
|_____◄ نسخة HDCam
|_____◄نسخة HDTS
|_____◄ نسخة DvDScr
|_____◄نسخة HC.HDRip
|_____◄ نسخة Web-DL
|_____◄ نسخة Bluray
==============

احصل على تحديثات في الوقت الفعلي مباشرة على جهازك ، اشترك الآن.

تعليقات
Loading...