كاسيت النوبيرا 2 الاوروبي جميل جدا وصوته روعه لو مركب سماعات محترمة بس عيبه الوحيد ان اصداره قديم بمعنه انه مبيشغل الا الراديو وشرائط الكاسيت واحيا يتم توصيل عليه قارئ الاسطوانات مما دفع الكثيير الى الاستغناء عنه وتغيره باخر صينى .لذلك جاء فى بالى فكره وبدأت فى العمل على الكاسيت لتركيب وصله صوت تصلح لتوصيل بها الموبايل والاستماع للاغانى من خلال الكاسيت بصوته النقى الجميل أصبح لا داعى الى تغيره بكاسيت صينى غالى الثمن وقصير العمر .
كاسيت النوبيرا من مميزاته انه فى وضع الاسطوانات وفى من الخلف سوكت بيركب فيه مشغل اسطوانات ومعظم الناس معندهاش المشغل دا .كان الطبيعى اما تضغط على زرار cd الكاسيت يبعت اشارة لمشغل الاسطوانات ويتأكد انه راكب لو المشغل رجع الاشاره تانى يبقى المشغل راكب مرجعهاش يبقى مش راكب ويرجع الكاسيت تانى على اخر وضع كان عليه قبل ما تضغط على زرار CD .
العمليه دى بتاخد حوالى 3 ثوانى فمن هنا جالى فكره انى لو قدرت اكلم الكاسيت وارجعله الاشارة بدل المشغل واقوله انه موجود ويسمحلى بارسال الصوت من اى مصدر تانى غير المشغل وفعلا وصلت لطريقة اضحك بيها على الكاسيت واوصله aux على أنه مشغل اسطوانات… عن طريق اني ابعتله اشاره اول ما اضغط على زرار السي دي تقوله ان المشغل راكب اسمحلى اكلم السماعات .
خطوات توصيل الaux على كاسيت النوبيرا الأصلي:
1- هنحتاج وصله aux آخرها female ومن الناحيه التانيه ثلاثة أسلاك أرضى وقناة يمين وقناة شمال.
2- هنحتاج مفتاح ضاغط (push button) وله طرفين نركب فيهم أسلاك ودا تعديل بدل وصله السلك الكوبري اللي ف الفيديو هنوصل الأسلاك بالسوكت الدائري اللي ف خلف الكاسيت كالتالي: . –
3- أسلاك كابل ( aux ):
- سلك القناه اليمين برقم 6 .
- سلك القناه الشمال برقم 7 .
- الأرضي برقم 8 .
4- الأسلاك المفتاح:
- طرف برقم 2 .
- طرف برقم 4.
ملحوظه :
الأسلاك تتوصل بسوكت ويتركب في السوكت بتاع الكاست أو لو مفيش ممكن زي ماعملت ف الفيديو وتحط عليهم شمع وبعد كدا تركب الكاست وتخرج الكابلات من تحت أو تثبتهم ف المكان اللي تحبه.
تحذير:
اللى فات دا اى مبتدأ يقدر يعمله بسهوله انما لو محترف فهتفهم الجزء اللى جاى والشغل فيه على مسئوليتك :
بدل ما نركب زرار خارج الكاسيت ممكن نشوف زرار مبتستخدمهوش ف الكاسيت وتركبه بدل الزرار الضاغط اللى فوق دا
انا اخترت زرار الBase+ انا مبستخدمهوش فى اى حاجه .
الخطوات :
- هنفتح الكاسيت .
- هنفصل مسارات النحاس من على البورده بتاع الكاسيت واكن الزرار مش واصل بحاجه .
- هنلحم فيه الاسلاك بتاعت 2, 4 .
فى حته كمان برضوا واللى هي انك تركب السوكت بتاع الصوت جوه علشان يبقى شغل احترافى وبرضوا على مسئوليتك :
هتفتح الكاسيت وتدور على مكان فى اللوحه يكون وراه فاضى مفيش حاجه هتعوق السوكت وتحفر بشنيور وتركب السوكت وتحط فوقه من جوه شمع .
قفل الكاسيت تانى وجرب .
ودا فيديو للشكل النهائي للكاسيت http://gsurl.in/2zwV
ودا للتجربه على موبايل سامسونج عادى ولاحظ جودة الصوت مع قله جودة صوت الموبايل http://gsurl.in/2zxb
ودا للرد على معظم استفسارات الناس اللى شافت الفيديو … قبل ما تعمل كومنت ياريت تسمعه
فى انتظار استفسارتكم …..ولو استفدت من الشرح ياريت تعمل اشتراك ف القناه علشان يوصلك كل جديد..