اهم مواقع التورنت

31

احصل على تحديثات في الوقت الفعلي مباشرة على جهازك ، اشترك الآن.

كثيرا منا يريد تحميل من مواقع تورنت موثوق منها وسريعه لتنزيل الالعاب والافلام ذات الجوده العاليه ذات الحجم الكبيير جدا فى الموضوع دا هتلاقى قائمة بافضل مواقع التورنت اللى هتستخدمها فى البحث عن اللى هتحتاجة كله فى كل المجالات وتم تقسيم المواقع الى اكتر من قسم زى مواقع عامة ودى فيها الالعاب والافلام ومسلسلات وبرامج وتطبيقات ونسخ ويندوز وكتب وغيرها تابع قراة الموضوع علشان تعرف اكتر عن المواقع والروابط بتاعتها

قبل ما تكمل قراءة لو مش عارف يعنى ايه تورنت اتفضل هنا الاول :

ما لا تعرفه عن التورنت تقنية torrent

اولاً ممكن تقسيم مواقع التورنت كالتالي:

مواقع عامة

ودي موجود عليها (افلام – العاب – مسلسلات – برامج – تطبيقات – نسخ ويندوز – كتب – افلام سيكو سيكو)

دول كتير منهم واقواهم:

     (1337x.to)    

   ده  حاليا اكبر موقع تورنت في العالم

   (RARBG.to)   

ده فيه عيب وميزة في نفس الوقت وهو ان كل الملفات الي عليه مرفوعه من ملاك السيرفر فكل الملفات اصلية 100% وعلى الاقل لها شخص بيرفع الملف

                  ThePirateBay.org

وده اقدم موقع تورنت في العالم … فيه اكتر من 500 الف تورنت فعال … الموقع بدء في 2005 بعد 4 شهور من بدء التقنية وحاليا هو تاني اقوى موقع تورنت واكتر موقع Resilient (تم اقتحام سيرفرات الموقع في السويد وغلقها اكتر من 15 مرة ومع هذا الموقع بيرجع تاني … الموقع له سيرفرات في السويد / ايطاليا / النمسا / الله اعلم فين)

عيبه ان الافلام والمسلسلات بتتاخر شوية على عقبال متترفع عليه

KATcr.co

(ده كان موقع اسمه Kickass Torrent او KAT اختصاراً … الي حصل ان الموقع اتقفل… جه مجموعة من الاشخاص الي كانو بيرفعوا على الموقع الاصلي عملو موقع جديد… هو جيد لكنه مش بقوة KAT الاصلي)

WorldWideTorrents.eu

 … ده موقع جديد نسبياً ظهر كبديل ل KAT.cr بمجرد اغلاقه في 2015 بس الى الآن عدد زواره من القلائل

demonoid.pw

  … ده تاني اقدم موقع في اليسته هنا بعد ThePirateBay برده كل شوية يتقفل ويرجع تاني…عليه محتوى كبير من كل الانواع لكن اكتر الي عليه بينزلوا كتب ومواد علمية (اكبر موقع عليه كتب ومراجع في كل المجالات) وموجود ايضاً تحت اسم www. Demonoid. pw

extratorrent.ag

موقع Extratorrent.AG … كان فيه موقع كبير ومشهور جداً اسمه ExtraTorrent بس اتقفل في فبراير 2017 … ظهر منه موقع Copycat الي هو موقع بيستخدم نفس تصميم الموقع الاصلي ونفس القوانين ونفس FORUM بس المديرين والسيرفرات ليس لها اي علاقة بالموقع الاصلي وبيتم استرجاع كل الملفات القديمة من الموقع الاصلي (فيه ناس مهمتهم بس عمل backup لمواقع التورنت علشان لما الموقع يتحذف وحاليا اكبر موقع تورنت ThePirateBay يمكن تخزين كل الداتا الي عليه على مساحة 1.2 تيرابايت)

طبعاً برده فيه ملايين المواقع ومنها (LimeTorrents – Torlock – TorrentDownloads –- Isohunt – BTScene – BitSnoop – Seedpeer – YourBittorrent – TorrentFunk) بس المواقع دي ممكن تنزل من عليها SPAM TORRENT الي هو ملف تورنت حجمه كبير وبعد ما تنزله تلاقيه فيروس (خاصة IsoHunt – BitSnoop)

[AdSenSe-A]

مواقع فهرسة لمواقع التورنت:

المواقع دي محدش بيرفع عليها ملفات التورنت… انما هي محركات بحث زي جوجل و Bing مهمتها انها تفهرس وتبحث عبر مواقع التورنت المختلفة

اقواها كان موقع اسمه Torrentz.eu بس ده اتقفل في 2016 بدون اي سبب واضح

المهم دي مجموعة من المواقع القوية التانية

موقع Torrentz2.eu المفروض انه موقع منسوخ Copycat من الموقع الاصلي لكنه مليان SPAM Torrents

 TorrentProject

 Torrents.me

 Monova

 SkyTorrents

 Toorgle

{loadmodule mod_custom,اعلان مقاله}

مواقع افلام فقط

دي مواقع مخصصة للافلام فقط.. وبعض منها بقا ينزل كمان مسلسلات

الي بدئها في الاول واحد اسمه aXXo ده كان هاكر بينزل الافلام بجودة DvDRip بحجم 700 ميجابايت بالظبط بتكويد Xvid+MP3 / AVI … المهم الشخص ده اعتزل في 2009 خاصة بعد اغلاق اكبر موقع تورنت في الوقت ده mininova

ظهرت بعده مجموعات تنية كتير زي FxG و FXM و DiaMOND وغيرها بس محدش قدر يملى قوة ملفات aXXo

لحد ما ظهر YIFY .. ده شخص كان بيهكر افلام Bluray بجودة HD و FHD (720p و 1080p) وبحجم حوالى 700 ميجابايت للنسخة 720p و 1.2 جيجا للنسخة 1080p وزي aXXo كانت ملفاته قوية وجيدة جداً من حيث الصورة او الصوت

في 2014 عمل موقع مخصص لنفسه (كلمه YIFY اختصار لاسم الشخص الي بدء المجموعة Yiftach Swery)

وسمى الموقع YTS

الموقع اتقفل بعد القبض على مؤسسة في نهاية 2015

ظهر موقع بديل وهو YTS.AG وبرده بيعمل نفس الحاجة بالظبط

اشهر مواقع تورنت الافلام هي

موقع YTS.AG: ده اقوى موقع حاليا، ليه عدة مميزات

كل الافلام الي عليه مؤكدة بنسبة 100% (مفيش لا ملف هاكر ولا فيروس

ثانيا كل الافلام نسخ Bluray يعني اعلى جودة باقل حجم

ثالثاً: اهم ميزة: كل الافلام Web Seeded يعني مش بس الي بيرفع التورنت بيرفع ملف التورنت فقط (12 كيلوبايت) لأ.. المدير بيرفع كمان ملف الفيلم على السيرفر وبالتالي السيرفر بيشتغل ك Seed او بذرة لرفع ملف الفيلم وده بيخلى اي ملف حتى لو قديم نسبة التحميل بتاعته عالية والسرعة جبارة)

MkvCage.com

ده موقع مخصص للافلام بكل نسخها (DvDScr – TC – KorSub – HDRip – Bluray – WebRip) الافلام اغلبها موجود بنسخة 720p وفيه موجود نسخ 1080p

حاليا بقا فيه قسم للمسلسلات TV Shows بجودة غالبا 720p

iExTV.com

{loadmodule mod_custom,اعلان مقاله}

ده اول موقع عربي مخصص للافلام وزي موقع MkvCage بالظبط

YTS.GS

موقع بديل لموقع YTS الاصلي Copycat لكن ملفات التورنت ليست خاصة ب YIFY وانما ب RARBG و ETRG وبعض من ملفات YIFY الاصلية

مواقع مسلسلات فقط 

في الاصل كان فيه مجموعتين لتنزل الفلام اول باول مجوعة EZTV و مجموعة etTV لكن كلا المجموعتين اغلقو في اوائل 2016

بس مجموعة EZTV الاشهر والي كان ليها موقع رسمي تحت .to اتعملها اعادة احياء (زي YTS) وتم عمل موقع جديد برفع جديد من المجموعة الجديدة تحت اسم

 EZTV.AG

حاليا ده اكبر موقع مسلسلات تليفزيونية حاليا باكتر من 520 مسلسل على الموقع الرسمي

موقعي MkvCage و iExTV

زي ما قولنا دول دلوقتي موجود فيهم قسم للمسلسلات

احصل على تحديثات في الوقت الفعلي مباشرة على جهازك ، اشترك الآن.

تعليقات
Loading...