المرجع الشامل عن التورنت(torrent)

12

احصل على تحديثات في الوقت الفعلي مباشرة على جهازك ، اشترك الآن.

التورنت دي تقنية تحميل ومشاركة الملفات بس بدل ما انت بترفع الملف على سيرفر زي ميديافاير او file-upload (زمان كان rapidshare و  Megaupload) لأ انت بترفع الملف مباشرة لعدد من المستخدمين بس علشان الناس دي تعرف انك عندك الملف وعايز تشيره share the file بتستخدم حاجة اسمها tracker وده عبارة عن موقع بيحمل معلومات عن الملف الي انت ناوي ترفعه وبيشتغل كوسيط بينك وبين الناس الي هتنزل الملف.

 ايه مميزات التورنت  :

اتعمل مخصوص للملفات والفولدرات كبيرة الحجم (اكتر من 4 جيجا في 2004 اول ما ظهرت التقنية.

لو انت ناوي ترفع ملف 4 جيجا هتقعد مشغل الكومبيوتر متواصل بين 7 و 45 يوم ..

ولو لا قدر الله النت فصل هتبدء من الأول.

(بفرض انك بترفع الملفات بسرعة 50 كيلوبايت / ثانية على سرعة 2 ميجا.

) كمان لو انت بتنزل ملف حجمه كبير مثلاً ملف 50 جيجا (وانت بتحمل على خط 2 ميجا وبتحمل بسرعة 240 كيلوبايت / ثانية ده هياخد منك 3 ايام متواصل) ..

برده نفس المشكلة ويا سلام لو السيرفر لا يدعم استكمال التحميل او النت قطع او الملف نزل فيه خط في 2 كيلوبايت من 50 جيجا ولا ولا ولا.

الفكرة هنا انك ممكن ترفع الملف طول ما برنامج التحميل شغال وممكن تفصل وترجع تاني وكذلك بالنسبة للتحميل…

البرنامج هيستعيد التحميل مرة تانية.

كمان لأن الملف موجود على كومبيوتر شخصي مش سيرفر فمفيش مشكلة ان الملف ممكن يتحذف من على السيرفر وتدور على لينك جديد للملف.

التورنت احلى ولا IDM 

بص هو كل واحد له مميزاته بس الي بيتعود على التورنت مبيستخدمش IDM الا لتنزيل شوية ملفات بسيطة زي كام برنامج من موقع   CNET ده لو ملقيتش النسخة المدفوعة Cracked على موقع التورنت

رابعاً: هو جبار للدرجة دي 

ايوة، بص كل المواقع الي انت بتحمل من عليها وكلها اعلانات…

اساساً بينزلو الملفات بتقنية التورنت وبعد كدة بيحط عليها علامة مائية باسم الموقع ويرفعها على سيرفر تحميل مباشر زي openload و usercloud و tusfiles و userfiles و cloudfiles وغيرها وغيرها.

طبعاً هو بيكسب من الحركة دي لأن المواقع دي عليها اعلانات وكل ضغطة تحميل لملف بتدخل فلوس من السيرفر لصاحب الموقع سواء

 ازاي احمل فيلم / لعبة :

هتحتاج 4 حاجات.

اولاً برنامج تحميل تورنت.

أفضل برامج تحميل التورنت

ثانياً: موقع لتحميل ملف التورنت الي اسمها indexing site او مواقع الفهرسة:

اهم مواقع التورنت

ثالثاً: تنزل الملف المطلوب.

رابعا: تفتح الملف باستخدام البرنامج .

نبدء على بركة الله.

احصل على تحديثات في الوقت الفعلي مباشرة على جهازك ، اشترك الآن.

تعليقات
Loading...